விண்வெளியில் 2மாத ஆராய்ச்சிக்கு பின் பூமிக்கு திரும்பிய விண்வெளி வீரர்கள்.!விண்வெளி ஆராய்ச்சியில் முக்கிய மைல்கல்.!

Subscribe our YouTube Channel

அமெரிக்காவில் உள்ள ஸ்பேஸ் எக்ஸ் நிறுவனம் சர்வதேச விண்வெளி ஆய்வு மையத்திற்கு மனிதர்களை அனுப்பும் திட்டத்துக்காக க்ரு டிராகன் விண்கலத்துடன் கூடிய, ‘பால்கன் – 9’ ரக ராக்கெட்டை தயாரித்தது.கடந்த மே,31ம் திகதி புளோரிடாவில் உள்ள கென்னடி ஏவுதளத்தில் இருந்து குறித்த ராக்கெட் விண்ணில் செலுத்தப்பட்டது.அதில் நாசா விண்வெளி வீரர்களான பாப் பென்கென் மற்றும் டக் ஹர்லியும் சென்றனர். சர்வதேச விண்வெளி ஆய்வு மையத்தை அடைந்த இரு வீரர்களும், இரண்டு மாதங்களாக அங்கு ஆராய்ச்சி மேற்கொண்டனர்.

இந்நிலையில், பாப் பென்கென் மற்றும் டக் ஹர்லியும், சர்வதேச விண்வெளி ஆய்வு மையத்தில் இருந்து,பூமிக்கு நேற்று புறப்பட்டனர்.இந்திய நேரப்படி நேற்று அதிகாலை சுமார் 5:00 மணியளவில் ரூ டிராகன் விண்கலம் சர்வதேச விண்வெளி ஆய்வு மையத்தில் இருந்து பிரிந்து பூமியை நோக்கி பயணிக்கத் துவங்கியது.புளோரிடா அருகில் உள்ள அட்லாண்டிக் பெருங்கடலில்,புயல் உருவாகி இருப்பதால்,மெக்சிகோ வளைகுடாவில்,விண்கலத்தை,’பரசூட்’ உதவியுடன் இறக்க திட்டமிடப்பட்டுள்ளதாக,நாசா தெரிவித்திருந்தது.

மேலும் இருவரையும் விண்வெளி வாகனத்தில் இருந்து பத்திரமாக பூமியில் தரை இறக்க மீட்பு கப்பல் அனுப்பப்பட்டது.இருவரும் ஃபோலோரிடா வளைகுடா கடற்பகுதியில் உள்ள மெக்சிக்கோ வளைகுடாவில் பாதுகாப்பாக தரை இறங்கியுள்ளனர்.

பூமிக்கு புறப்படுவதற்கு முன்,டக் ஹர்லி கூறுகையில்,“இந்த இரண்டு மாதங்கள்,மிகச் சிறந்த முறையில் அமைந்திருந்தன. ஆராய்ச்சி மேற்கொள்ள எங்களுக்கு உதவிய குழுவினருக்கு நன்றிகள்,” என்றார். இதேபோல்,பாப் பென்கென் கூறுகையில், “விண்வெளிக்கு வீரர்களை அனுப்புவது கடினமான பணி.

அவர்களை மீண்டும் பூமிக்கு அழைத்து வருவது,அதை விட முக்கியமானது,” என்றார்.விண்வெளி வீரர்களை,விண்வெளிக்கு அனுப்பிய முதல் தனியார் நிறுவனம் என்ற பெருமையை,ஸ்பேஸ் எக்ஸ் பெற்றுள்ளது.