இந்த வாரம் எதிர்பாராத விதமாக வெளியேற்றப்பட்ட பிக்பாஸ் போட்டியாளர்…!கசிந்த தகவல்…!

Subscribe our YouTube Channel

விஜய் தொலைக்காட்சியில் ஒளிபரப்பாகி வரும் பிக்பாஸ் நிகழ்ச்சி 50 நாட்களை கடந்து வெற்றிகரமாக ஒளிபரப்பாகி வருகிறது. இதனை உலகநாயகன் கமல்ஹாசன் தொகுத்து வழங்கி வருகிறார். இந்நிகழ்ச்சியில் வர இறுதியில் ஒரு போட்டியாளர் வெளியேற்றப்படுவது இந்நிகழ்ச்சியின் விதி முறைகளில் ஒன்று. அந்த வகையில் இதுவரை ரேகா, வேல்முருகன், சுரேஷ் மற்றும் சுசித்ரா ஆகியோர் வெளியேற்றப்பட்டுள்ளனர்.இந்த வாரம் யார் வெளியேறப்போகிறார் என்ற எதிர்பார்ப்பு பலரின் மத்தியிலும் காணப்படுகிறது.

இந்நிலையில் நாமினேஷன் கார்டு என்ற புதிய முறையை அறிமுகம் செய்தார் பிக்பாஸ். நாமினேஷனில் லிஸ்டில் இருப்போரில் யார் இந்தக் கார்டைப் பெறுகிறாரோ அவர் வீட்டிலிருக்கும் ஒரு போட்டியாளரை நாமினேட் செய்யலாம் என்று கூறப்பட்டது.இதையடுத்து நாமினேஷன் கார்டைப் பெற்ற அனிதா, சம்யுக்தாவை நாமினேட் செய்தார்.

அதனால் அனிதா வெளியேற்றப்படுவோர் பட்டியலில் இருந்து நீக்கப்பட்டு சம்யுக்தா சேர்க்கப்பட்டார். எனவே இந்த வாரம் சம்யுக்தா அல்லது நிஷா வெளியேற்றப்பட அதிக வாய்ப்புகள் இருப்பதாக பிக்பாஸ் ரசிகர்கள் கணித்தனர். ஆனால் யாரும் எதிர்பார்க்காத ஜித்தன் ரமேஷ் இந்த வாரம் குறைவான வாக்குகளைப் பெற்று வெளியேற்றப்பட்டிருப்பதாக தகவல்கள் கசிந்துள்ளன.

பிக்பாஸ் இல்லத்தில் தனக்கு தேவையில்லாத விடயங்களில் கருத்து கூறாமல் இருந்து வருகிறார் ஜித்தன் ரமேஷ்.அத்துடன் இந்த வாரம் நடந்த கால் சென்டர் டாஸ்க்கில் ரம்யா கேட்ட கேள்விகளுக்கு பொறுமையாக சரியாக பதிலளித்து பலரது பாராட்டையும் பெற்றார்.

இதையடுத்து இந்த வாரத்தின் சிறந்த போட்டியாளராகவும் ஜித்தன் ரமேஷ் தேர்வாகியுள்ளார். இந்நிலையிலேயே இந்த வாரம் ப்கபாஸ் இல்லத்தில் இருந்து வெளியேற்றப்பட்டுள்ளதாக தகவல்கள் கசிந்துள்ளன.